सुरेन्द्र श्रेष्ठ
नगर प्रमुख एवम् संयोजक,
मध्यपुर महोत्सव मूल समिति

मध्यपुर थिमि नगरपालिका काठमाडौं, भक्तपुरको मध्यभागमा अवस्थित लिच्छविकालीन तथा मल्लकालीन सांस्कृतिक, पुरातात्त्विक सभ्यता, सम्पदा अबिछिन्नरूपमा बोक्दै अगाडि बढेको शहरको रूपमा चिनिन्छ। मूर्त सम्पदा पुनः निर्माण तथा अमूर्त सम्पदा, सभ्यता पुस्तान्तरणको अनुपम नमुना हामीले यहाँ प्राप्त गर्न सक्छौं। साथै परम्परागत प्रविधि, पेशा, हस्तकला, कृषि, वस्तु व्यवसाय, नेवारी परिकारको विविधता अझैसम्म यहाँ जीवित रहेको छ। त्यसैले मध्यपुर महोत्सवलाई मूर्त, अमूर्त सम्पदा, पेशा, व्यवसायको महाउत्सवको रूपमा मनाउन जाँदैछौं। हामीलाई विश्वास छ यो महोत्सवले गर्दा मध्यपुर थिमिमा नियमितरूपमा आन्तरिक तथा बाह्य पर्यटनको ढोका खुल्नेछ।

यो अभूतपूर्व क्षणको मुर्त अनुभूतिको लागि पुस १२, १३, १४ मा मध्यपुर महोत्सव अवश्य भ्रमण गर्नुहोला। धन्यवाद।

विजय कृष्ण श्रेष्ठ
नगर उप-प्रमुख एवम् सह-संयोजक,
मध्यपुर महोत्सव मूल समिति